انستاباي حاليا بقي واحد من التطبيقات اللي موجودة علي تليفون كل مصري، وكل المعاملات المالية تقريبا بقي كلها من خلال التطبيق..  بس الجديد أن التطبيق عمل تحديث هتنسي مجن خلاله تحول فلوس بالخطا.. ياتري اية هو التحديث ده وأزي اقدر استرد فلوس لو حولتها بالخطا.. خليكم معانا للآخر وهتعرفوا التفاصيل

في الفترة الأخيرة البنك المركزي عمل تحديثات كتيرة جدا في التقنيات الرقمية للتسهيل علي المواطنين في تحويل واستقبال الفلوس، وفعلا تطبيق انستاباي بقي واحد من أشهر التطبيقات اللي موجودة علي تليفون كل مصري، وأغلب المصريين بقوا يعملوا عملياتهم من خلاله سواء بقي نبعت أو نستقبل أو نعرف الرصيد، وكلها حاجات كانت في فترات قبل كده محتاجة مشاوير ضرورية للبنك علشان تعرفها.

طيب ايه حكاية التحديث الأخير علي انستاباي، وازاي بعد كده مش هيكون في تحويل فلوس بالخطأ؟

في اليومين اللي فاتوا تطبيق «انستا باي» عمل تحديث بخصوص التحويلات بين الحسابات البنكية المختلفة وده بهدف ضمان عدم حدوث تحويلات خاطئة لو المواطن كتب عنوان الدفع خطأ.
التحديث الجديد اللي عمله التطبيق، هيقدر من خلاله العميل اللي هتحول له فلوس يشارك ويرسل رمز الاستجابة السريع QRcode أو رابط الدافع للطرف اللي هتحول له الفلوس، والتحديث ده التطبيق بيستهدف منه انتهاء احتمالية وجود خطا في التحويلات البنكية، وممكن كمان تحول فلوس عن طريق كتابة عنوان الدفع بشكل يدوي.
الهدف الاساسي من التحديث الأخيرة هو القضاء علي الأخطاء الشائعة في عمليات تحويل الفلوس بما يضمن إدخال بيانات صحيحة بنسبة 100%، وهيمكن العملاء من إتمام عمليات التحويل بأعلى جودة وسهولة وأمان.

طيب ازاي المواطن يقدر يستفيد من التحديث الجديد علي التطبيق ؟.
اي عميل يقدر يستفيد من الميزة الجديدة في التطبيق من خلال إنشاء رابط دفع ومشاركته مع اللي هيحول له فلوس، وبعدين هيضغط على الرابط، فتطبيق انستا باي هيفتح له صفحة التحويل بشكل تلقائي ويقدر العميل يملئ البيانات المطلوبة زي عنوان الدفع وهيكون المطلوب من مرسل الأموال هو إدخال المبلغ وكلمة المرور بس علشان يعمل عملية تحيول فلوس بنجاح وبدون اي خطا .
طيب حدود السحب النقدي من تطبيق انستاباي بتوصل لكام؟.
البنك المركزي أعلن عن رفع الحد الأقصى للسحب عبر تطبيق انستا باي، وبيوصل الحد الأقصى للسحب للمعاملة الواحدة 70 ألف جنيه، والحد الأقصى للسحب اليومي 120 ألف جنيه، والحد الأقصى للسحب الشهري لا يتجاوز 400 ألف جنيه.