أكد الإعلامي مصطفى بكري أن شركة العاصمة الإدارية تقوم بتأجير المباني التي تستخدمها الحكومة، مشيرا إلى أن العاصمة أنشأت من لا شيء.

وقال بكري خلال برنامج "حقائق وأسرار" المذاع على قناة "صدى البلد": "شركة العاصمة الإدارية هي اللي أنشأت المباني ومأجراها، وهي اللي بانياها وبذوقها وبالنسق الحضاري اللي احنا شوفناه ودي مصر العظيمة ودي القيادة الواعية اللي بتخلص من لا شيء شيء مهو عبد الفتاح السيسي مش هياخد العاصمة الإدارية ويمشي بيها، مش هياخد أي مبني ويمشي بيه إنما ده لصورة مصر وحاضر مصر ومستقبل مصر".

وأضاف: "يمكن محمد علي في يوم من الأيام أو صلاح الدين لما بنى القلعة والا لما بنوا الأهرامات كان في الوقت ده بيتقالهم ايه؟ ما تشوفوا الدنيا ماشية ازاي".

وتابع: "اللي قاعدين وبيتربحوا من اللجان الالكترونية مش هدفهم السيسي بس ولكن الدولة اسقاط مصر، احنا اتعودنا في الازمات في مصر هناك بالذات للذين لا يفهمون ولا يعون إن احنا في الازمات بننحي أزماتنا ومشاكلنا جانبا".

وأوضح: "يهمنا البلد دي وأنا هنا بكلم الوطنيين الشرفاء مش الخونة لأن العدو لما يدخل البلد مش هيفرق بين غني أو فقير بين مسلم أو مسيحي كلنا هنبقي هدف عايزين البلد فوضى".

وأكمل: "بعض الناس أصابهم القلق اليومين اللي فاتوا بعد اللي حصل في سوريا وقالك استر يارب مصر مش حمل فوضى وقتل ودمار وخراب وأنا بقولهم مصر مش زي أي بلد تانية مصر بلد مختلفة في كل شيء".

وأوضح: "مصر عندها شعب واعي شاف المر على مدى سنوات والشعب ده متحضر وواعي ومحدش يقدر يضحك عليه".