السبت، 14 ديسمبر 2024 01:43 م 12/14/2024 1:43:43 PM

قال الإعلامي مهيب عبد الهادي ‏ “الأهلي لو عدى الماتش الجاي هيبقى أول فريق مصري يصل للمباراة النهائية في كأس العالم" ليرد عليه نجم الأهلي السابق سيد عبد الحفيظ ‏”هو مفيش ولا فريق مصري شارك في كأس العالم للاندية أصلا غير الأهلي و لاحظ ان كلامك جـارح".
كما كشف سيد عبد الحفيظ عن موقف تاريخي لكابتن محمود الخطيب الرئيس الحالي للنادي الأهلي بخصوص رحيل فايلر المدير الفني للأهلي في 2020 قبل مبارايتين فقط من نهائي بطولة أفريقيا.

وقال سيد عبد الحفيظفي تصريحات لبرنامج اللاعيب الذي يقدمه الإعلامي مهيب عبد الهادي على برنامج إم بي سي مصر: "موسم 2020 كان يوم 1-10 كان فيه اجتماع وكان فايلر عنده رغبة إنه يمشي وكان بعديها يوم 17 مباراة الوداد وبعدها بأسبوع كان مباراة العودة".

وتابع: "كان اجتماع من أقوى الاجتماعات وكان فيه مواجهة قوية جدا موجود كابتن الخطيب وأنا ولجنة التخطيط وفايلر قال إنه عنده رغبة يسافر وياخد قراراه من سويسرا من أقوى المواجهات في الكلمات مكنش الإجتماع طويل كان مختصر العبارات كانت قوية ومصلحة النادي اتحققت".

وأضاف: "المواجهة كانت من أكتر الحاجات اللي انا استفدت منها، فايلر قال محتاج اقعد مع اسرتي وده حقه للتشاور واتخاذ القرار، ورد كابتن الخطيب قاله انت هتروح سويسرا وبعدين تتكلم مع اسرتك وبعد كده تاخد القرار".

وأكد: "الخطيب قاله أنا عندي ماتش نصف نهائي بعد 17 يوم يخص 70-80 مليون مصري وأنا أولهم فانتظر لحد ما تشوف ممكن تيجي زوجتك وتاخد قرار النهارده انما لو ركبت الطيارة هاعتبر انت مش معانا".

وتابع: "الكلام نفسه "التون نفسه" المواجهة الصريحة القوية واحدة من اقوى اللقاءات وبداية لعدم تأثير في مرحلة كبيرة، وكابتن الخطيب سألني استنتاجك ايه هيعمل ايه قولتله سيبك من استنتاجي انا عجبتني الكلمة".

واختتم: "المواجهة جميلة جدا وحق النادي ومصلحته اتحقق، ويوم 30 كان ماتش الترسانة في الكأس وكسبنا 2/1 ويوم 1 أكتوبر كنا بنعلن موسيماني مدير فني للفريق".