حرصت الإعلامية ياسمين عز، مساء اليوم، على توجيه رسائل تحذيرية للسيدات، بشأن العلاقة الزوجية في الحياة الأسرية مع الرجل. 

وقالت ياسمين عز:" يا مدام خلي بالك يا مدام، إنت ممكن تكوني قاعدة في أمان الله، بس جوزك بيقول عليكي انه عايش معاكي علشان الولاد .. صحصحي وفوقي قومي حاوطي على جوزك وبيتك". 

وأضافت في تصريحات عبر برنامجها “ كلام الناس”، المذاع على قناة "إم سي مصر":" قومي يا مدام ظبطي نفسك وحطي مكياج دا إنتي آخر مرة حطيتي مكياج وروج من 7 سنين في فرحك". 

وتابعت:" بلاش تقولي لجوزك اوعدني تفضل معايا طول العمر؟ هو انتي عايشة معانا لحد سنة كام يا مدام ؟ هل إنتي من المعمرين في الأرض". 

واستكملت:" إنتي بتقولي للرجل يارب تفضل طول العمر معاكي وهو بيفكر طول الليل في فاتورة السوبر ماركت وطلباتك اللي مبتخلصش يا مدام"

تحدثت الإعلامية ياسمين عز، عن الأسئلة التي قد تهدد العلاقات الزوجية أو تكون بمثابة “ عكننة” بين الزوجين في الحياة الأسرية. 
وقالت ياسيمن عز عبر برنامجها" كلام الناس" المذاع على قناة" إم سي مصر":" الست بتبقى قاعدة كدة وتفكر فجأة وتسأل الرجل وتقوله هو أنا تخنت.. أهو السؤال دا ولا على البال ولا على الخاطر وممكن يخرب بيوت يا مدام والراجل ممكن يموت بسكتة قلبية وتجبيله ضيق في التنفس وسرعة في ضربات القلب". 

وأضافت:" الرجل لو قالك أيوة أنتي تخنتني هنتهزي الفرصة وتكندي عليه اللي 100 سنة الجايين وتطلعي عليه القديم والجديد وتعيشه في نكد سنة و3 أشهر وتقعدي تعريه لـ سنين قدام".