خرجت الإعلامية بسمة وهبة لتعلن عن سرقة صفحتها الرسمية على السوشيال ميديا والتي تحتوي على 5 مليون مشاهد وبها جميع أعمالها المختلفة من برامج ولقاءات تليفزيونية وغيرها، مشيرة إلى أنها لم تحزن عليها ولكن كان خيرا لها في اكتشاف أن ما كان عليها لم يكونوا أشخاص حقيقيين.

بسمة وهبة تعلن سرقة صفحتها 

وقالت بسمة وهبة في فيديو رصده موقع تحيا مصر منذ قليل على حسابها الرسمي بموقع تبادل الصور والفيديوهات انستجرام:  بعد ما خلصت جلسة عمر زهران لقيت صفحتي اللي عليها 5 مليون وكل شغلي اللي عملته اتسرقت والحقيقي اني مزعلتش لأن الموضوع ده بالنسبة للي حصل لعمر ولا حاجة وكنت جاية نفسيتي وحشة اصلا فمركزتش في الموضوع.

وتابعت: في بيدج تانية عملاها أنا وصحابي واتفاجئت من كم الناس والاشادات اللي بتجيلي عليها، أمال اللي كانوا بيهاجموني وينتقدوني على صفحتي دول اي! كانوا لجان إلكترونية ولا اي.

بسمة وهبة: فككم مني أنا مش راجعة الاعلام.. واخدة استراحة محارب 

وأضافت بسمة وهبة، موجهة رسالة لمنتقديها: فككم مني أنا بقالي سنة قاعدة من الاعلام مبشتغلش ومقررة إني أقعد مش اعتزال ولكن استراحة محارب، سبوني في حالي بقى، وأنا سايبة لينك لصفحتي الجديدة هضيف عليها بس الناس اللي بيحبوني ومش هدخل عليها اي متابعين بفلوس والحمدلله أن سرقة الصفحة ده حصل.. بيقولوا رب ضارة نافعة.

من ناحية أخرى، كانت قد خرجت بسمة وهبة وأعربت عن حزنها وصدمتها من إصدار حكم بالحبس على عمر زهران سنتين مع الشغل والنفاذ، قائلة: نثق في قضاء مصر العادل.. ادخل بدالك السجن يا عمر.. مش هيتحمل.. سنتين مع الشغل والنفاذ ؟!.. دا احنا قولنا براءة.. والله العظيم عمر بريء.

بسمة وهبة: قلبي وجعني أما شوفت عمر زهران في عربية الترحيلات 

وسبق وقالت بسمة وهبة: النهاردة كل الناس أدت دورها على أكمل وجه أمام المحكمة وكل التبريرات على كل الاتهامات اللي وجهت ليه كانت مقنعة تماما وكان بريء قدام المحكمة وقدام كل الناس من كل الاتهامات، أنا مقدرتش أكمل ومشيت على طول لأن قلبي وجعني أما شوفت عمر زهران في عربية الترحيلات مش مصدقة أنه يحصل فيه كدة، واللي شافه عمر زهران النهاردة كان صعب وصعب جدا كمان.. ادعوله ربنا يباركله ويخرج من الازمة دي على خير، وهو بريء وكل الناس متأكدة أنه هو بريء.