كشف المطرب الشعبي هاني حسن الاسمر عن رأيه في ساحة الغناء الشعبي خلال الفترة الحالية، مشيرا إلى أنه يتمنى عودة عصر والده وجيله.

تصريحات هاني حسن الاسمر عن ساحة الغناء الشعبي حاليا

وقال هاني حسن الاسمر في تصريحات خاصة لموقع تحيا مصر: أنا واثق مليون في المئة أن في أسامي كبيرة على الساحة مش راضية عن اللي هي بتعمله بس بيشتغلوا عشان التواجد في قلب السوق، بقى فيه فقر في الألحان، مفيش اجتهاد، يعني لو لحن نجح مع فلان، حد تاني يغني وحد تالت ياخده وهكذا، كل واحد بياخد اللحن كوبي بيست، ونفسي عصر والدي في الغنا يرجع تاني، أبويا وعم أحمد عدوية وأستاذ محمد العزبي.

هاني حسن الاسمر: والدي مخدش حقه في التكريمات

وسبق وأن أكد المطرب الشعبي هاني حسن الاسمر على أن والده لم يأخذ حقه في التكريمات بعد وفاته، مشيرا إلى أن التكريم الحقيقي هو وجوده في قلوب الناس إلى الآن.

وقال هاني حسن الاسمر في تصريحات خاصة لموقع تحيا مصر: والدي مخدش حقه في التكريمات بعد وفاته، بس أكبر تكريم أن هو لسه عايش في قلوب الناس لغاية دلوقتي، وفاكرين له الخير، وأكبر وأهم تكريم أن الناس لسه حافظة أعماله ولما بتيجي سيرته بيترحموا عليه وبيقولوا المحترم الأصيل ابن البلد.. وهو مش محتاج تكريم من حد.

جمعية المؤلفين والملحنين تعلن قبول عضوية حسن الأسمر

وعلى صعيد آخر، كانت قد أعلنت جمعية المؤلفين والملحنين والناشرين عن قبولها عضوية الفنان الراحل حسن الأسم، وذلك في ذكرى وفاته ال 11 وبعد أن تقدم نجله هاني الأسمر منذ أشهر بطلب لقبوله عضوية والده.

أشهر أغنيات حسن الاسمر

ومن الجدير بالذكر أن أشهر أغنيات المطرب الراحل حسن الاسمر أغنية كتاب حياتي يا عين، والتي تقول كلماتها:

كتاب حياتى يا عين ما شفت زيه كتاب
الفرح فيه سطرين والباقي كله عذاب
عذاب عذاب عذاب عذاب

اوراقه هم واسى والحبر من دمعي
الحبر من دمعي من دمعي دمعي يا عين

كتاب حزين كله مآسي
تاليف زمان غدار آسي
الفرح سطر غلط مكتوب
لما الزمان كان يوم ناسي