ايه اللي بيحصل في مصر وايه حكاية الإنجاز اللي بيحصل على خطوط السكك الحديدية وازاي مصر هيكون عندها سادس أكبر شبكة قطارات سريعة في العالم.. تابعونا للآخر وهتعرفوا التفاصيل في الفيديو ده

النقل الذكي والسريع في دول العالم المتقدمة هو مظهر طبيعي لتطور الاقتصاد وارتفاع مستوى الرفاهية والراحة في الدول ودي ومصر دولة عريقة في حكاية السكك الحديدية وكفاية تعرف إن مصر تاني دولة في تاريخ العالم يكون فيها سكك حديد بعد بريطانيا ودا اللي فرض على مصر أنها تنتبه المرفق الحيوي دا خاصة إنه بيعتبر مرفق أساسي من مرافق البنية الأساسية في أي دولة وعامل من عوامل تشجيع الاستثمار الأجنبي والسياحة لأن بدون وسائل نقل حديثة مش هيكون في استثمارات ولا سياحة بالعدد اللي مصر بتطمح إليه.

طيب تعرف إن مصر بتنفذ سادس أكبر شبكة قطارات ذكية وسريعه كهربائية في العالم... ايوا حضرتك دا بيحصل دلوقتي وفيه جزء كبير منه اتنفذ وهيدخل الخدمة قريب اووي  وبإجمالي أطوال 2000 كيلومتر وتشمل 3 خطوط رئيسية تربط كافة أنحاء البلاد من شرقها في العين السخنة إلى غربها في مرسى مطروح ومن الشمال في الإسكندرية والدلتا إلى أقصى الجنوب في أسوان وأبو سمبل وتوشكى، ودا هيوفر وسيلة نقل حديثة وصديقه للبيئه لـ 90% من سكان مصر في 60 مدينة.

شبكة القطارات السريعة في مصر بينفذها تحالف (سيمنز الألمانية – أوراسكوم – المقاولون العرب) بإجمالي أطوال 2000 كم وبتضم 3خطوط هي الخط الأول (السخنة / العلمين / مطروح) بطول 660 كم واللي وصفته سيمنز الألمانية أنه بمثابة “قناة سويس جديدة على قضبان”، والخط التاني (6 أكتوبر / الأقصر / أسوان / أبو سمبل) بطول 1100 كم، والخط التالت (قنا – الغردقة – سفاجا) بطول 175 كم، بالإضافة إلى 65 كم لمداخل الورش ووصلات للموانئ الجافة وسكك التخزي

وبيوصل إجمالي عدد محطات الخطوط التلاتة 60 محطة وكمان بتضم الشبكة 41 قطار فائق السرعة من طراز “فيلارو”، تصل سرعته التصميمة إلى 250 كم و 94 قطار إقليمي من طراز “ديسيرو”بسرعة 150 كم/ساعة، بخلاف 41 قطار بضائع من طراز “فكيترون”

طيب ايه فايدة شبكة القطارات السريعة ؟
مشروع زي دا هيوفر شبكة القطارات السريعة هتساعد في خلق محاور لوجيستية تربط بين البحر الأحمر والبحر المتوسط، وشمال وجنوب مصر وربط المناطق الصناعية واللوجستية بالموانئ البحرية والبرية والمطارات وكمان ربط مناطق التنمية الزراعية الحديثة زي مشروعات الدلتا الجديدة وغرب المنيا و توشكي ومستقبل مصر  وجنة مصر، وسنابل سونو بمناطق الاستهلاك وموانئ التصدير.

شبكة القطارات السريعة بتربط كمان مناطق الجذب السياحية في محافظات الجيزة وسوهاج والأقصر وأسوان وأبو سمبل والبحر الأحمر والبحر المتوسط وغيرها من الأماكن السياحية التانية بجانب ربط كافة التجمعات العمرانية القائمة وتوسعاتها والمدن الجديدة، ومنها العاصمة الإدارية والجلالة والعلمين الجديدة ورأس الحكمة والمدن الجديدة بصعيد مصر

الشبكة الجديدة للنقل السريع بتستهدف نقل 2.5 مليون راكب و5 ملايين طن من البضائع مع بداية التشغيل وهتوصل في المستقبل إلى  10 مليون طن من البضائع مع إكتمال تشغيل شبكة القطارات السريعة واللي من المخطط بدء التشغيل التجريبي للخط الأول من القطار السريع في 2026 على أن تتوالى باقي الخطوط تباعا .

طيب مين هيدير الشبكة الجديدة ؟
حسب المعلن اللي هتدير وتشغل محطات القطار الكهربائي السريع شركة عالمية متخصصة في إدارة وتشغيل شبكة القطارات الكهربائية وحاليا بتتنافس عدد من الشركات العالمية المتخصصة ..
المفاجأة بقى إن الحكومة بتخطط دلوقتي لإنشاء خط قطار كهربائي سريع جديد، وهو الخط الرابع واللي بيمتد من غرب بورسعيد وصولا إلى أبو قير بطول 250 كم بمشاركة القطاع الخاص، وهيساهم المشروع في ربط 6 محافظات و4 مدن جديدة بالإضافة إلى خدمة مواني البحر المتوسط الرئيسية، وتشمل أبو قير ودمياط وبورسعيد.