تواصل الحادثة نشر تحقيقات النيابة في اتهام المخرج عمر زهران ومساعده عنتر حنفي، بسرقة مجوهرات من شقة شاليمار الشربتلي ، زوجة المخرج خالد يوسف بقيمة ٢٥٠ مليون جنيه.
وجاءت أقوال المتهم الثاني عنتر حنفي في القضية رقم ٧٤٣٩ لسنة 2022 جنح قسم الجيزة، كالتالي:
س : ما هو قولك فيما هو منسوب إليك من أنك متهم منهم بسرقة المنقولات المبينة وصفاً وقدوا وقيمة
بالأوراق والمملوكة للمجني عليها شاليمار حسن عباس شريتلي وكان ذلك من داخل مسكنها حال
كونك خادماً لها بالأجرة على النحو المبين بالتحقيقات؟
ج : محصلشي .
س: وما في ظروف ضبطك واحضارك وأوجه دفاعك ؟
ج  : اللي حصل ان أستاذة شاليمار دي فعلا أنا روحتلها البيت بتاعها عشان أنضفهولها أكثر من مرة وكنت بروح بناءا على طلب الممثل عمر زهران لإنه صاحبها وأنا كنت أعرفه من زمان وآخر مرة روحتلها كانت في شهر 8 اللي فات ومن ساعتها مروحتش تاني ومن حوالي كام يوم وأنا قاعد في بيتي فأبو النمرس لقيت الباب بيخبط ففتحت الباب لقيت حوالي ٥ خمسة أشخاص لابسين ملكي وقالولي إنهم مباحث وسألوني على مدام شاليمار والحاجة بتاعتها قولتلهم أنا معرفش حاجة عن الكلام ده وقلتلهم على اللي حصل وساعتها خدوني معاهم على قسم الجيزة والنهاردة جيت على النيابة.

س : متى وأين تم ضبطك تحديدًا؟

ج: يوم ٢٠٢٤/١٢/١٦ حوالي الساعة ١٦:٢٠ بالليل في أبو النمرس.

س : من كان برفقتك آنذاك؟
ج: كان معايا مراتي وعيالي.
س: وما هي صلتك بالمجني عليها شاليمار حسن عباس شربتلي وعمر زكريا زهران؟
ج : أستاذ عمر ده ممثل و أنا أعرفه من حوالي ٢٠ سنة تقريبا ، أما أستاذة شاليمار أنا أعرفها من حوالي 7 شهور تقريباً عن طريق أستاذ عمر لانهم صحاب وكان بياخدني انضف البيت بتاعها.
س : هل من ثمة خلافات فيما بينك وبين سالفي الذكر؟
ج: لا ، مفيش بيني وبينهم أي خلافات ، لكن أستاذ عمر أنا أعرفه من زمان والعلاقة بينا كانت طيبة.

س: وما هي طبيعة عملك تحديداً؟
ج : أنا زمان كنت بشتغل عامل نظافة في أتيلية بتاع فساتين سوارية وإتعلمت هناك إزاي أبدأ افصل فساتين سواريه وساعتها سبت شغلانة النضافة وبدأت أشتغل في الفساتين ومن ساعتها وأنا شغال في الفساتين لحد دلوقتي.
س:  وكيف تحديداً تعرفت على عمر زكريا زهران؟
ج : أنا زي ما قولت لحضرتك كنت شغال في أتيلية بتاع فساتين سوارية وكنت شغال هناك عامل نظافة والكلام ده كان من سنة ٢٠٠٢ تقريبا وكان ساعتها أستاذ عمر بيجي الأتيلية ده وساعتها اتعرفت عليه وعجبه شغلي في النظافة وكنت بروح أنظف البيت بتاعه ومن ساعتها وأنا على علاقة بيه.
س : هل ظلت العلاقة بينكما قائمة منذ ذلك التاريخ وحتى الآن؟

ج: أنا كنت بنظف البيت بتاعه من سنة ٢٠٠٢ لحد سنة ٢٠٠٧ لما بدات اشتغل أفصل فساتين وساعتها ن بيكلمني وكنت بقوله مش فاضي وبطلت أروحله من ساعتها لحد ما لقيته بيكلمني ثاني سنة ٢٠١٧ كان بيسالني على أي حد أكون أنا عارفه عشان يروح ينظف الشقة بتاعته وساعتها بدأت اروحله ثاني أنظف البيت بتاعه.
س: ما سبب قبولک العمل في منزله مرة أخرى؟

ج: لأن في الفترة دي الدنيا مكنتش كويسة معايا في الفلوس والسوق كان مريح وأنا مبحبش أقول للرزق لا.
س: وهل كنت تذهب إلى محل سكن عمر زكريا زهران بشكل منتظم طوال تلك الفترة وحتى
الآن؟
ج : أنا من سنة ٢٠٢٢ من ساعة لما أستاذ عمر كلمني تاني وأنا كنت بروحله بشكل منتظم يعني مثلا مرة كل شهر لما كان بيكلمني.

س: إذا ومن أين لك معرفتك بالمجني عليها  شاليمار حسن عباس شربتلي؟
ج : أنا من حوالي 3 أو 4 شهور تقريباً لقيت مرة أستاذ عمر بيكلمني ويقولي انه محتاجني فقولتله أني مش فاضي وعندي شغل فقالي لما تخلص ابقى عدي عليا ولما روحتله البيت قالي ان فيه واحدة صاحبته محتاجاني عشان أنظفلها البيت وقالي هيطلعلك من هناك لقمة عيش حلوة وأنا ساعتها وافقت ووداني عندها لكن أنا معرفهاش من قبل كدة ومروحتلهاش تاني بعد آخر مرة.
س : كم عدد المرات التي ذهب فيها للمجني عليها سالفة الذكر؟
ج : أنا روحت المدام شاليمار ٥ خمسة مرات ومروحتلهاش تاني من ساعة آخر مرة.

س : ومن كان برفقتك أنذاك ؟
ج: أنا لما كان أستاذ عمر بيكلمني كنت بروح أعدي عليه وكنا بنتحرك مع بعض ونروح للأستاذة
شالیمار.
س:  وأين تقع تلك الشقة تحديد أ؟
ج: الشقة دي موجودة في الدور الثامن في برج جنب الفور سيزون.
س وهل سبق لك وللمدعو عمر زهران أن توجهتما إلى العين الخاصة بالمجني عليها في عدم وجودهما؟

ج: كل مرة كنت بعدي على الاستاذ عمر الأول وبعد كدة بنتحرك مع بعض لكن مفيش غير مرة هو سابقني على بيتها وكانت هي موجودة هناك، ومرة روحنا وهي مكنتشي موجودة وكان استاذ خالد يوسف المخرج السينيمائي كان موجود .

س: إذا وهل سبق لـ عمر زكريا زهران أن توجه إلى العين سالفة الذكر في عدم وجودهما؟

ج معرفش ، بس اللي أنا أعرفه إنهم صحاب لكن معرفش إذا كان بيروح لواحده ومحدش موجود ولا لا.

س : استكمالاً لما سبق، وما هو غرض تواجدك بالعين محل الواقعة بالمرات سالفة الذكر.

ج : أنا كنت رايح هناك عشان أنظف البيت زي ما أستاذ  عمر كان بيقولي.

س : إذا وهل إقتصر تواجدك بالعين سالفة الذكر على أعمال النظافة فقط؟

ج : أنا أول مرة لما روحت هناك دخلت نظفت المطبخ والصالة وساعتها أستاذ عمر قال إن في دهب ضايع وخلاني أدور في كام شنطة كدة كانوا محطوطين على جنب بس ملقتش حاجة.

س : ومن تحديداً كان برفقتك أنذاك ؟

ج : أنا كنت بدور في الشنطتين اللي أستاذ عمر قالي دور فيهم على حاجة دهب ضايعة وساعتها كانت استاذة شالميار ، وأستاذ عمر ، والسواق بتاع الأستاذة واسمه محمد كانوا في أوضة أستاذة شاليمار ومعرفش كانوا بيعملوا ايه لاني مكنتش معاهم.

س : وهل عثرت على ثمة مصوغات ذهبية أنذاك؟

ج : لا أول مرة دي ملقتش حاجة.

س: وما الذي حدث عقب ذلك؟

ج :وأنا نازل لقيت السواق اللي اسمه محمد كان معاه خزنة قديمة وكانت مكسورة واخدها من اوضة أستاذة شاليمار وقالي شيلها معايا عشان ننزلها تحت روحنا منزلينها حاولنا نقفل الباب بتاعها فمكنش راضي يقفل فمحمد السواق بص في الباب بتاع الخزنة لقى إن في خاتم محشور في الباب فراح واخده وطلع أداه للاستاذة شاليمار.

س : وهل أبصرت حمد سائق المجني عليها  حال إعطائها الخاتم سالف الذكر؟

ج: هو طلع إداهولها قدام عيني وساعتها أستاذة شالميار إدتني ٢٠٠٠ جنية ومشيت ومروحتش ثاني غير لما استاذ عمر كلمني وقالي تعالى ثاني عشان تنظف عند أستاذة شاليمار.
س : وهل قمت بالاستجابه لما طلبه منك سالف الذكر أنذاك؟
ج : لما روحت قولت أهي لقمة عيش حلوة ، وكنت بدور على الذهب الضايع اللي استاذ عمر كان بيقول عليه.

س : وهل عثرت على ثمة مصوغات ذهبية في أيا من المرات سالفة الذكر؟
ج :أنا بعد كدة روحت الشقة أربع مرات كمان.

المرة الأولى منهم لما دخلت مع أستاذ عمر كانت مدام شاليمار موجودة وساعتها دخلنا اوضة النوم
بتاعتها وتحديداً الدريسينج روم  وأستاذ عمر شاورلي على مجموعة شنط إيد بتوع الأستاذة قالي دور
فيهم كدة يمكن تلاقي حاجة وهما الاثنين خرجوا وكان أستاذ عمر كل شوية يدخل ويخرج وساعتها
لما دورت لقيت خاتم في ثاني أو ثالت شنطة وطلعت إديته لأستاذة شاليمار برة وقالتلي جدع وكمل ودخلت دورت ثاني في باقي الشنط ملقتش حاجة ولما الوقت تأخر استأذنت عشان أمشي وساعتها مدام  شالميار ادتني ٥٠٠٠ جنية.
المرة الثانية منهم روحت برضو بس كان أستاذ عمر موجود هناك مع مدام شاليمار قبل مانا اوصل ولما وصلت دخلوني الدريسينج روم ثاني وساعتها أستاذ عمر شاورلي على شوية شنط سفر وقالي فتش دول وخرج لمدام شاليمار في الصالة برة وأول شنطة فتحتها لقيت فيها علب مجوهرات فاضية ما عدا علبة واحدة منهم كان فيها خاتمين فطلعت إديتهم لمدام  شاليمار وساعتها دخل معايا أستاذ  عمر ثاني وشاورلي على دولاب كدة فالدريسينج وقالي دور فيه كله وخرج وكان في علبة على الدولاب ده أول لما فتحتها لقيت فيها مجموعة مشغولات ذهبية فخدتهم وطلعت عشان أديهم الأستاذة شاليمار بس مكنتش موجودة فإديتهم الأستاذ  عمر وهو قالي أدخل كمل ودخلت كملت وملقتش حاجة تاني فجيت عشان امشي فراح أستاذ عمر إداني ١٠٠٠ جنية ونزلت.
المرة الثالثة منهم روحت المرة دى بس قبل أستاذ عمر لانه ساعتها قالي اسبقني وأنا محصلك ولما وصلت فضلت منتظر أستاذة شاليمار لحد ماجت وطلعت معاها وفضلت مستني استاذ عمر لحد ما وصل وساعتها قالي أدخل دور في أوضة البنت ودور في الشنط وساعتها دورت في الشنط دي بس ملقتش فيها مجوهرات ولما خرجت عشان أمشي ملقتش الأستاذة شاليمار بس لقيت أستاذ خالد يوسف المخرج ولقيته بيقولي تعالى وريني انت جبت الحاجات دي منين قصده على الخواتم والدهب ووريته الأماكن فعلا وساعتها وأنا ماشي استاذ عمر اداني ٤٠٠ جنية.

المرة الرابعة منهم روحت عالبيت على طول لقيت استاذ عمر واستاذ خالد يوسف قاعدين  راح استاذ عمر خدني ودخلني أوضة البنت وكان فيه شوية لعب اطفال وأستاذ  عمر قالي دور ، وساعتها هو فاتح دولاب البنت وطلع شنطة إيد وراح حاطة إيده فيها، وخرخ لقيته هو استاذ خالد داخين وقالي برافوا عليك ي يا بطل فاستاذ عمر قاله مش عنتر اللي لاقاهم ده انا وليا حلاوة عربية دي.

راح استاذ خالد قاله اسكت يا عمر هي لما نديها الحاجة هتديكوا مكافأة حلاوة أووي وبعدين مشيت ومروحتش تاني.
س: في ضوء ما قررته سلفاً هل كان  عمر زكريا زهران على علم مسبق بمكان عثوره على المصوغات الذهبية؟
ج : انا معرفش الصراحة بس كل مكان كان بيقولي دور فيه كنت بلاقي حاجة أما لما كنت بدور مع
نفسي مكنتش بلاقي حاجة.
س: وضح لنا طبيعة تلك المصوغات تحديدا؟
ح : أنا مش فاكر بس المرة دي كانوا زي مجموعة ذهب كدة محطوطين على بعض زي ما يكونوا ملمومين ولما شفتهم اديتهم لمدام شاليمار. 

س : وضح لنا أيضا ما هي طبيعة الأشياء التي عثر عليها المدعو  عمر زكريا زهران تحديدا؟
ج : أنا معرفيش هم لقى إيه هو ساعتها لما كان معايا في الأوضة فتح دولاب البنت وطع منه شنطة وحط ايده فيها وطلع حاجة وخرج بيها على طول لكن أنا مشوفتش حاجة وده كمان غير إنه ساعتها مدورش اصلا هو فتح الدولاب وطلع الشنطة على طول.
س: ما هو قولك في قيام المجني عليها شاليمار حسن عباس شربتلي بإتهامك والمدعو / عمر زكريا زهران بسرقة المنقولات الخاصة بها من العين محل سكنها ؟
ج : أنا معرفش هي بتقول كدة ليه ، بس أنا مفيش مرة روحت هناك غير ومعايا أستاذ  عمر ومكنتش بعمل حاجة غير اللي بيقولولي عليها.