خرج الفنان تامر حسني ليدافع عن كلا من الفنانة شيرين عبد الوهاب بعد ذلة اللسان التي أخطأت بها في حق الراحل محمد رحيم أثناء حفلها الأخير في الكويت، فضلا عن شقيق رحيم أيضا الذي خرج لمهاجمة شيرين عبد الوهاب بعد هذا الخطأ.

تامر حسني يدافع عن شيرين عبد الوهاب بعد ذلة لسانها 

وكتب تامر حسني في منشور عبر خاصية ستوري بموقع تبادل الصور والفيديوهات انستجرام ورصده موقع تحيا مصر: واثق إنها ذلة لسان من شيرين لأنها من أكتر الناس اللي بتحب رحيم وهي اعتذرت على المسرح في وقتها وكان نيتها تكريم وطلبت الفاتحة من الجمهور، شيرين عارفة قيمة محمد رحيم الفنية لأنها فنانة كبيرة.

كما دافع عن شقيق محمد رحيم أيضا، قائلا: انما التوتر الكبير والصدمة اللي مستحوذة على أخو رحيم مخليينه في حالة نفسية صعبة جدا مخلينه مش عارف يفكر بأحسن شكل لفراق أخوه اللي كان كل شيء في حياته.. ارحموا من في الأرض يرحمكم من في السماء.

حسام حبيب يدافع عن شيرين عبد الوهاب 

وقبل تامر حسني، كان قد خرج حسام حبيب ودافع عن شيرين عبد الوهاب بعد حديثها عن محمد رحيم في حفلها الأخير بالكويت، ومهاجما شقيق الراحل، فكتب: بجد هو في كده اخ اثناء موت اخوه و زي ما هو قال دمه ما بردش بيقولك احنا من عادتنا في الظروف دي مانتفرجش على حاجه و هو داير على كل البرامج حاجه غریبه و سایب كل ده و ماسك في ذله لسان و ماسمعش و ماخدش باله انها كرمته و افتخرت بشغله معاها و طلبت من الاف الناس الحضور و ملايين المشاهدين بقراءة الفاتحه و الدعاء له و كلنا عملنا كده علشان هي فكرتنا يا راجل ده انت ما عملتهاش و مسك في غلطه مش مقصوده و اعتذرت عنها في وقتها هو فيه كده بس عاوز اسألك سوئال هو حضرتك طلعت في كام برنامج و كام مداخله من ساعه الوفاه و هل كانت مدفوعة الاجر ولا بدون و اخر طلب ممكن نشوف شهاده الدكتوراه و لو حرضرتك مش عاوز تجاوب انت اكيد حر و فى حاله عدم الجواب ..... اكيد الكل هايفهم.

ذلة لسان شيرين عبد الوهاب 

على نفس السياق، كانت قد أثارت شيرين عبد الوهاب الجدل في حفلها بالكويت وتصدرت حديث مواقع التواصل الاجتماعي المختلفة بعدما طالبت جمهورها قراءة الفاتحة للراحل محمد رحيم، معقبة: "خلينا نعمل سيئة جارية".

وقالت شيرين عبد الوهاب في الحفل: محمد رحيم أخويا مات فجأة.. عمل لي أغنيات حلوة كتير.. يالا نقرأ له الفاتحة كلنا.. عشان تبقى سيئة جارية.. الله أنا قلت سيئة.. مش قلت لكم يا جماعة أنا معرفش أتكلم وهاسكت أحسن خدوا مني المايك.