وجهت الإعلامية مروة صبري رسالة قاسية للفنانة منى فاروق وذلك بعد خروج الأخيرة في لايف عبر موقع الفيديوهات القصيرة تيك توك، والحديث بطريقة غير لائقة مع الجمهور، معيدة قصتها الشهيرة مع المخرج خالد يوسف.

مروة صبري تهاجم منى فاروق 

وقالت مروة صبري في برنامجها قعدة ستات والمذاع على  قناة ألفا اليوم، في تعليق رصده موقع تحيا مصر: منى فاروق طلعت من يومين تقريبا على تيك توك ووصفت نفسها بأبشع الوصف، وقالت أنا تنحة ورزلة وسخيفة، لأن أحد متابعيها قال لها تعليق معجبهاش، فقررت ترد عليه وتهزأ المتابع وكل المتفرجين عليها، وإتكلمت بشكل غير لائق وغير مسموح، وغير طريقتها الغلبانة المسكينة اللي عايزة الناس تساعدها تشتغل.

مروة صبري لمنى فاروق: اي الطريقة المبتذلة في كلامك دي؟

وتابعت: منى فاروق قالت حاجة عجيبة الواحد توقف عندها، قالت أنا بيضا وحلوة وقشطة وجسمي حلو، وأي راجل في الدنيا يتمناني، وأنا اللي مش بيطولني بيحاربني، ومش هخلي حد يطولني، وأنا بتجوز في الحلال ومش بعمل حاجة حرام، يعني إنت عايزة إيه بالجملة دي؟ إنت طالعة تهيني الناس وتعلميهم الأدب والعفة؟ إيه الطريقة المبتذلة دي في الكلام؟.

تصريحات منى فاروق المثيرة للجدل 

وكانت قد خرجت منى فاروق في لايف على تيك توك وصرحت بتصريحات جريئة وغير متوقعة، ما أدى إلى تعرضها لهجوم قوي في الأيام الماضية، حيث قالت: في أنا ناوية أبقى بجحة وتنحة وسخيفة انا تريند الجيل، وكل جيل، ومركزين معايا علشان أنا حلوة وقمورة، وبيضة ، وكل واحد في الكوكب يتمناني وهتجوز مرة واتنين وعشرة.

وتابعت حديثها عن خالد يوسف: خلودة ربنا يديله الصحة رجعني أشتغل وهو مخرج مشهور شاطر وراجع بقوة، وأنا اشتغلت دلوقتي، ووقفت على رجليا ولكن برفض الأدوار اللي مش مناسبة ليا، وأتمنى أشتغل معاه تاني والحمد لله عندي مسلسل دلوقتي، وكل التقدير للناس اللي واقفة جنبي.

وبعد هذه التصريحات خسرت منى فاروق قاعدة مهمة من الجمهور، حيث اكتشفوا أنها عادت إلى ما كانت عليه قديما، وبدأوا في تذكر قصتها القديمة مع المخرج خالد يوسف واستبعادها عن الأعمال الفنية، لذا أصبحت منى فارقة في مرمى النيران بالفترة الحالية.