حالة من الجدل أثيرت حول مطرب المهرجانات الشعبية حمو بيكا في الساعات القليلة الماضية، وذلك بعد تداول تصريحات على مواقع التواصل الاجتماعي على لسانه يتحدث فيها عن الراقصات ويدعمهم، مشيرا إلى أنها تردي بدلة رقص في عز البرد من أجل لقمة العيش بالحلال، وهو ما أثار علامات الاستفهام على وجوه الجمهور.
حمو بيكا وتصريحاته عن الراقصة
وخرج حمو بيكا في فيديو رصده موقع تحيا مصر عبر حسابه الرسمي بموقع التواصل الاجتماعي فيسبوك، لينفي التصريحات المنسوبة له، قائلا: في صورة ليا مع رقاصة نازلة وعليها تصريحات على لساني والموضوع سخيف جدا.. أنا عمري ما أقول كدة ولا ينفع أقول كدة.. ربنا عرفوه بالعقل لو فيه فيديو بالكلام ده تقدروا تنزلوه وأتحاسب عليه، ده واحد صفحته واقعة عايز يعمل ريتش فقال أعمل ريتش على بيكا وهاخد حقي بالقانون.
وتابع حمو بيكا حديثه: أنا راجل بنزل شغلي بخلصه بروح على بيتي مليش دعوة باللي اشتغل ومشتغلش، سيبو الملك للمالك وكل واحد في حاله أنا مش بأذي حد عشان حد يأذيني ويقول كلام مقولتهوش واللي مع الله ميخافش من أي حد ولا يفرق معاه حد.
حمو بيكا: الراقصة بتشتغل في البرد والرجالة نايمة ومتغطية
وكان قد جاء في التصريح المنتشر على السوشيال ميديا على لسان حمو بيكا: كلنا لابسين چواكت و سقعانين و الجو تلج.. شوف بقي الراقصه دي واحده ست و علشان شغلها لابسه بدلة رقص في التلج ده علشان أكل عيشها ...عاوز اقولها انتي ب 100 راجل ...لأن الرجالة نايمة و متغطيه ...وانتي بتسعي ع اكل عيشك بالحلال و معملتيش زي الباقيين و مشيتي شمال.
وتفاعل الجمهور بشكل كبير مع تصريحات حمو بيكا المثيرة للجدل وبدأ بعضهم يسخر منها، وظن البعض في البداية أنه كان سيتحدث عن الاطفال والنساء والأولاد في غزة، ولكن صدمهم بهذا التصريح عن الراقصات.
حمو بيكا في مجال التمثيل
من ناحية أخرى، كان حمو بيكا قد ظهرت ممثلا لأول مرة من خلال مشاركته في فيلم عصابة الماكس إلى جانب كلا من النجوم أحمد فهمي، لبلبة، روبي، مصطفى بسيط، أوس أوس، فضلا عن عدد من ضيوف الشرف وجاء أغلبهم من كبار النجوم ومنهم أحمد السقا، هشام ماجد، صلاح عبد الله وغيرهم.
ودارت أحداث فيلم عصابة الماكس حول المكسيكي الذي يجسد شخصيته الفنان أحمد فهمي ويقوم خلال أحداث الفيلم بجمع مجموعة من أصدقائه لتكوين عصابة حتى يقومون بعملية سرقة معينة، ولكن بدلًا من أن يساعدونه قاموا بتخريب حياته ويقعون في مواقف طريفة وصراعات يجاولون التغلب عليها.
0 تعليق