أشادت هبة رزق المدير الفني لفريق الكرة النسائية لنادي المقاولون العرب، بلاعبات فريقها وذلك في ختام الموسم الرياضي 2024-2025 وانتهاء الدوري باحتلال نادي المقاولون المركز الثامن بـ 35 نقطة .
وقالت المدير الفني لفريق الكرة النسائية للنادي، عبر صفحتها على موقع التواصل الاجتماعي، موجهة رسالة للاعباتها “إنتم بقى القصة معاكم مختلفة القصة معاكم بدأت بتحدي بدأت بقصص مختلفة من بيوت و بيئات مختلفة و محافظات مختلفة و دول مختلفة و من أندية مختلفة و الكل كان منتظر النتيجة تطلع في الكنترول و الحمد لله رب العالمين “.
وأضافت”رزق،” النهاية كانت حلوة أوي النهاية كانت عيلة نادي المقاولون العرب وأنا بقولكم قدام الناس كلها أنا اخترت بنات جدعة وولاد أصول بنات فاهمة يعني إيه مسئولية خلقا و إحتراما قبل اللعب و أنا فخورة إني اخترتكم و كملت معاكم الطريق من أصغر بنت لأكبر بنت فيكم إنتم تستحقوا الفخر يا حبايبي تستحقوا إننا نفتخر بيكم و تستحقوا أهاليكم تفتخر بيكم عملتوا مجهود و مجهود أكتر من رائع استحملتوا تدريب صبح وليل مقابل إنكم تتطورا و تقدموا منظومة محترمة تليق بالتشرت اللي إنتم لابسينه و كسبتم إحترام جميع من بالمنظومة و الجميع أدرك الآن أنكم في الموسم القادم ستكونوا خصم لن يستهان به”.