علق المطرب رامي صبري على انتقاد البعض حمل تامر حسني المايك له أثناء بروفات الأغنية الجديدة التي يتعاونان فيها بطريقة الديو، والتي سيتم طرحها خلال الأيام القادمة بعد انتهاء الثنائي من تسجيلها.

تعليق رامي صبري على التعاون مع تامر حسني

وكتب رامي صبري على حسابه الرسمي بموقع التواصل الاجتماعي فيسبوك: “الصورة دي فيها قبول مش عادي وسلكان ونية كويسة مش حقد مطربين وإن تامر حسني يمسك المايك لرامي صبري عشان يغني كده يبقى تعرف إن الراجل ده سالك وقلبه أبيض ومش بيحسبها الجمهور هيشوفها إزاي الأتنين نجوم كبار جداً جداً والصورة بتبين المحبة وربنا يديمها بينهم”.

وفي منشور آخر كتب رامي صبري: “أنا بشوف الصورة دي بشكل تاني خالص، أولاً، تامر فنان أخ وغالي ومحترم (وواثق في نفسه)، ودي للأسف مش موجودة كتير في مغنيين كتير ناجحين، ولكن عندهم مشاكل كبيرة وما يعرفوش يبقوا زي الراجل المحترم اللي ماسك المايك ده، تامر حسني فنان كبير جدًا جدًا ولما اشتغلت أنا وهو في الديو اللي هينزل الفترة اللي جاية فهمت هو ليه محبوب جدًا”.

وأوضح المغني رامي صبري بقوله: “أولا علشان تامر حسني عنده صفاء نفسي مش موجود عندي أنا شخصيًا… آه والله، أنا دايمًا ليا رد فعل، إنما هو بيسيب الحاجات زي ما هي وما بيحبش يرد، ودي حاجة صعبة جدًا جدًا. عاوز أقول مش كل فنان أو نجم يستحق.. لأن دايمًا الأخلاق واحترام زمايلك هو الموضوع مش بس الفن”.

وتابع “شكراً تامر حسني على ذوقك واحترامك ليا دايمًا في التصوير، ودايمًا كنت تقول لي ‘أنت مبسوط؟ إيه رأيك؟ محتاج حاجة؟’ كل ده ما ينفعش يطلع غير من فنان حقيقي عنده إحساس بالناس، والأهم واثق من نفسه. قريبًا جدًا هتشوفوا وهتسمعوا أغنية (فعلاً مابتنسیش) على جميع منصات الموسيقى في العالم”.

آخر أخبار رامي صبري

يقيم المطرب رامي صبري حفلا غنائيا مع المطربة نانسي عجرم على مسرح أبو بكر سالم في العاصمة السعودية الرياض، وسيتم طرح التذاكر بعد غد الجمعة 27 ديسمبر.